कमेडीले भरिपुर्ण ‘कोहलपुर एक्सप्रेस’ (ट्रेलर रिलिज)
फिल्म ‘कोहलपुर एक्सप्रेस’को ट्रेलर रिलिज भएको छ । राजधानीमा बुधबार आयोजित एक कार्यक्रमकाबीच निर्माण टिमले ट्रेलर रिलिज गर्यो । ट्रेलर पुर्णतः कमेडी बनाइएको छ । पैसाको चक्कर वरीपरी फिल्म घुमेको छ ट्रेलरले यस्तै छनक दिन्छ ।
कार्यक्रममा निर्देशक विशाल भण्डारीले डेब्यू फिल्मबाट भयंकर ठुलो आशा नगर्न भन्दै दर्शकलाई हलमा रहुञ्जेल हँसाइराख्ने ग्यारेन्टी दिए । केकीले निर्माता बन्दा निकै तनाब खेप्नुपरेको स्मरण गर्दै दर्शकको मनोभावना बुझ्ने फिल्म तयार गरेको दाबी गरिन् । साथी सम्बन्धमा सधैँ एक देखिने केकी, ऋचा र प्रियंका एकसाथ रहेको फिल्मको ट्रेलर रिलिज कार्यक्रममा पनि तीन जना नै उपस्थित थिए ।
शान बस्न्यातले स्कृप्ट लेखेको फिल्ममा विनोद न्यौपाने, बुद्धि तामाङ, कुशाग्र भट्टराइ, रविन्द्र झा पनि लिड रोलमा छन् । जुनकिरी आर्ट्सको ब्यानरमा बनेको फिल्म आगामी बैशाख १४ बाट दर्शकमाझ आउँदैछ ।
