अहिलेसम्मकै फरक अबतार, हेर्नुहोस बिपिनको ‘हरी’ ट्रेलर (भिडियो)
पछिल्लो समय एकपछि अर्को गर्दै फरक स्वादको अभिनय पस्किँदै आएका भर्षटाइल हिरो बिपिन कार्कीको पछिल्लो फिल्म ‘नाका’मा समावेश रोलले राम्रो चर्चा पायो । टिजर रिलिजपछि नै फिल्ममा देखिएको उनको लुक्स र डायलग डेलिभरीले फिल्म पर्दामा आउँदासम्म चर्चा पायो । भलै फिल्मले कमालको बिजनेस गर्न सकेन ।
अब भने बिपिनको अर्को एक्स्ट्रा अबतार जोडिएको फिल्म ‘हरी’को ट्रेलर बाहिरिएको छ । हलमा केहि दिन पहिले नै रिलिज गरिएको ट्रेलरलाई फिल्म निर्माण कम्पनिले भर्खरै युट्युवबाट वर्ल्डवाइड रिलिज गरेको छ । ट्रेलरमा बिपिनलाई यो पटक पनि केहि भिन्न अबतारमा देखाइएको छ । केहि कमेडी लाग्ने ट्रेलरले सस्पेन्स बोल्छ । सामाजिक कथाको भान दिन्छ । जेठ ४ लाई फिल्मको प्रदर्शन मिति तोकिएको छ ।
सफल केसी र प्रतिक गुरुङको कथा तथा निर्देशनमा बनेको फिल्ममा यज्ञस्वर पौडेल, थाक्पा तामाङ र माधव थापाले लगानीमा साझेदारी गरेका छन् । फिल्ममा बिपिनसँगै सुनिता श्रेष्ठ थाकुर, कमलमणी नेपाल, थिन्ले ल्हामो, लक्ष्मी बर्देवा, लोकनाथ आचार्य, प्रकाश गन्दर्भ लगायत अभिनयमा छन् । चिन्तन राजभण्डारीले फिल्म खिचेका हुन् ।
