लिलिबिलीको ‘हावा सरी’ रिलिज, प्रियंकासँग कति सुहायो प्रदिपको केमेष्ट्रि (भिडियो)
फिल्म ‘लिलिबिली’को नयाँ गीत ‘हावा सरी’ बाहिरिएको छ । कास्टिङको समयमा नै अभिनेता प्रदिप खड्का र अभिनेत्री प्रियंका कार्कीको केमेष्ट्रि (जोडी) मिल्ने नमिल्ने अनेकन प्रकारका समाचार र गसिपहरु बाहिर आएका थिए । कतिले त यो जोडीलाई दिदी भाइको संज्ञा दिएका थिए । अब भने प्रदिप र प्रियंका एकसाथ रहेको गीत बाहिर आएको हो ।
गीतमा प्रदिप र प्रियंकाको केमेष्ट्रि गज्जब देखिन्छ । सार्वजनिक गीतलाई टर्कीको स्तानबुलमा खिचिएको छ । गीतमा स्वर एसडी योगी र मेनुका पौडेलको छ भने दिपेन्द्र घिमिरेको शब्दमा गायक योगीले नै संगीत भरेका छन् । कोरियोग्राोफी कविराज गहतराजले गरेका छन् । क्यामेरा सुदिप बरालले चलाएका छन् ।
चैत्र ३० बाट दर्शकमाझ आउन लागेको ‘लिलिबिली’का यसअघि रिलिज गीत तथा ट्रेलरले लोकप्रियता कमाइरहेका छन् । फिल्मलाई लिएर निर्माण टिमले उत्साहित बोल्दै आएको छ भने अभिनेता प्रदिप पनि दर्शकको पुर्ण साथ र सद्भावको पर्खाइमा छन् ।
गोविन्द शाही, सुदिप खड्का र निर्देशक मिलन चाम्स स्वयंमको लगानी रहेको फिल्मको सम्पुर्णजस्तो छायाँकन युरोपमा गरिएको छ । फिल्मलाई गोविन्द शाहिले नै वितरण गर्दैछन् । जसिता गुरुङ, अनुपबिक्रम शाही, ध्रुवदत्त, सविन श्रेष्ठ पनि फिल्मको मुख्य अभिनयमा छन् । चन्द्र पन्तको एक्सन छ ।
