भेट हुँदैमा पूजासँग फिल्म खेलिन्छ भन्ने छैनः प्रदिप
फिल्म ‘प्रेमगीत’मा दर्शकले मन पराएको जोडी थियो पूजा शर्मा र प्रदिप खड्काको जोडी । प्रदिप सोही फिल्मबाट स्टारको ट्याग आफ्नो पक्षमा पार्न सफल मात्र भएनन् एकाएक हजारौँ फ्यान पनि कमाए । तर उक्त प्रोजेक्टपछि निर्देशक सुदर्शन थापा र अभिनेत्री पूजा शर्मा एक पक्ष अनि निर्माता सन्तोष सेन र अभिनेता प्रदिप एक पक्ष बन्दै कित्ताकाँट हुँदा सिक्वेलमा निर्माण टिमसँग प्रदिप मात्र देखिए । पूजा र सुदर्शन मिलेर अर्को फिल्म बनाए ।
यो बीचमा प्रदिप र पूजाको दोस्ती सकिएको, बोलचाल समेत बन्द भएका गसिपहरु पनि बाहिर आए । तर केहि दिन पहिले राजधानीका अकस्मात यी दुईको जम्काभेट भएपछि मिडियाहरुमा एकसाथ फिल्म खेल्दै त छैनन् भन्ने प्रकारका कन्टेन्टहरु आइरहँदा प्रदिपले यस्तो जवाफ दिएका छन् हेर्नुहोस भिडियोमाः
प्रदिपले भेट भएकै कारण पुनः एकसाथ फिल्म खेल्ने र नखेल्ने भन्दा पनि कोहि कसैले दुबैलाई फिट हुने मज्जाको स्कृप्ट ल्याउँछ भने हिजो र आज अनि भोली सधैँ आफु तयार रहेको बताएका छन् । पूजा पनि सकारात्मक हुनसक्ने आशा पोख्दै प्रदिपले पात्र सुहाउँदो कथा आउँदै गर्दा पूजासँगै स्कृन सेयर गर्न आपत्ती नभएको बताए । प्रदिप स्टारर पछिल्लो फिल्म ‘लिलिबिली’ चैत्र ३० मा रिलिज हुँदैछ ।
