मुटु थामेर हेर्नुस् ऋचाको हरर फिल्म ‘सुनकेशरी’ ट्रेलर (भिडियो)

हरर फिल्म ‘सुनकेशरी’को ट्रेलर रिलिज भएको छ । आगामी जेठ ११ लाई प्रदर्शन मिति तय गरेको फिल्मको बिहिबार राजधानीमा आयोजित एक कार्यक्रमका बीच ट्रेलर रिलिज गरियो ।

ट्रेलरमा लिड कलाकार ऋचा शर्मा, सन्नी ढकाल, रविन्द्र झा लगायत फिचर छन् । पछिल्लो समय रिलिज नेपाली हरर फिल्महरु बक्सअफिसमा सफल नभइरहँदा ‘सुनकेसरी’को ट्रेलरले भने केहि संभावना देखाएको छ । भास्ट क्यानभासमा खिचिएको फिल्मको ट्रेलरमा प्रस्तुत दृश्यहरु आकर्षक देखिएका छन् । सिनेमाटोग्राफी पनि राम्रो लाग्छ ।

अर्पण थापाको निर्देशनमा बनेको फिल्मलाई राह शाहले खिचेका हुन् । फिल्मलाई अमेरिकन सम्पादक इयान स्कट क्लेमेन्टले सम्पादन गरेका छन् । सुनिल पराजुली, प्रेरणा थापा, भिम न्यौपाने, तमन्ना शर्मा, सविता आचार्य पनि फिल्ममा लिड रोलमा छन् । फिल्मलाई भिम न्यौपाने, ऋचा शर्मा र शर्मिला सापकोटाले निर्माण गरेका हुन् ।