साम्राज्ञी स्टारर ‘तिमी सँग’ शिर्ष गीत रिलिज (भिडियो)
चैत्र २३ लाई प्रदर्शन मिति तय गरेको फिल्म ‘तिमी सँग’ युनिट यतिबेला प्रचार प्रसारलाई तिब्रता दिइरहेको छ । मिडिया अन्तर्वार्तादेखि सामाजिक सञ्जाल तथा प्रत्यक्ष रुपमा दर्शकमाझ पुग्दै फिल्मको बारेमा जानकारी गराइरहेको निर्माण टिमले बिहिबार मात्रै फिल्मको शिर्ष गीत रिलिज गरेको छ ।
राजधानीमा आयोजित एक कार्यक्रममा फिल्मलाई लिएर निर्माण टिम उत्साहित देखियो । लिड कलाकार साम्राज्ञी राज्यलक्ष्मी शाह, नाजिर हुसैन, आकाश श्रेष्ठ आशावादी देखिए । राम्रो काम गरेको भन्दै दर्शकको साथ पाउने विश्वास पोखे । शिर्ष गीत छायाँकनको अनुभव सुनाउँदै निकै मेहनत गरेको बताएकी साम्राज्ञीले दर्शकको रोजाईमा यो गीत अनि फिल्म पर्ने आशा पोखिन् ।
गीतमा राहुल मुखर्जीको संगीत छ भने स्वरमा राहुललाई मधुरा भट्टाचार्यले साथ दिएकी छिन् । शिशिर खातीको कोरियोग्राफी रहेको गीतका शब्द मेखु सहयात्रीका छन् । शिशिर राणाले फिल्मलाई निर्देशन गरेका हुन् । राणा नै फिल्मका निर्माता छन् ।
