प्रियंकालाई उछिन्दै नम्बर वान बनिन् दीपिका
पछिल्ला केहि बर्ष हेर्ने हो भने बलिउडमा ठुलो छलाङ मार्ने अभिनेत्रीको पहिलो नम्बरमा प्रियंका चोपडा आउँछिन् । बलिउड हुँदै हलिउडको यात्रा तय गरेर त्यहाँ पनि सफलता चुमेकी यी हट सुन्दरीको फ्यान फ्लोइङ पनि दिनहुँ बढ्दो छ ।
यतिबेला त प्रियंकाले कमब्याक गर्ने नयाँ बलिउड फिल्मलाई लिएर अनेकन अड्कल बाजी पनि चलिरहेको छ । तर यी सुन्दरीलाई हालै भने अर्की अभिनेत्री दीपिका पादुकोणेले पछि पारेकी छिन् ।
सुन्दरता हुँदै पपुपर अभिनेत्रीसम्मको तुलना भइरहँदा हालै सार्वजनिक फ्यान फलोइङ सर्वेक्षणमा दीपिकाले प्रियंकालाई उछिनेकी हुन् । उनले भारतमा सबैभन्दा बढि फलोअर्स पाउने सेलिब्रटी अन्तर्गत ‘मोस्ट फलोइङ अकाउन्ट’को अवार्ड आफ्नो पक्षमापारेकी छिन् ।
बलिउडमा पहिलो पटक घोषणा गरिएको उक्त टाइटल दीपिकाको पक्षमा पर्दा पुरुषतर्फ स्टार क्रिकेटर विराट कोहलीले उक्त अवार्ड आफ्नो पक्षमा पारेका छन् । इन्स्टाग्राममा दीपिकाको २२.४ मिलियन फलोअर्स छन् भने प्रियंकाको २२ मिलियन छन् । तेस्रो नम्बरमा भने आलिया भट्ट आएकी छिन् । यहि २०१८मार्च सम्मलाई लिएर गरिएको सर्वेक्षणमा आलियाका २०.८ मिलियन फलोअर्स छन् ।
