आयुष्मान र प्रियंकाको प्रेममा परमिताको इन्ट्री !
एक समय युवा अभिनेता आयुष्मान देशराज जोशी र अभिनेत्री परमिता आरएल रानाको प्रेम र ब्रेकअप चर्चाले मिडियामा लामो समयसम्म स्थान लियो । त्यसको लगत्तै आयुष्मान अर्की अभिनेत्री प्रियंका कार्कीसँग जोडिए । यतिबेला आयुष र प्रियंका ‘डिप लभ’मा छन् । उता परमिता भने फिल्म र आयुषबाहेकका कुराबाट चर्चामा छैनन् ।
आयुष्मान र र परमिताले एकसाथ ‘चपली हाइट २’ मा काम गरे । सँगसँगै फिल्म गर्दा अनि त्यसमा दिएको इन्टिमेट दृश्यले खुबै मार्केट ततायो पनि । त्यसपछि एकसाथ काम अनि प्रेममा बाटो मोडेका यी दुई पुर्व लभ बर्ड अब पुनः एकसाथ पर्दामा आउने भएका छन् । पछिल्लो जानकारी अनुसार दिपेन्द्र के खनालको निर्देशनमा बन्न लागेको फिल्म ‘चङ्गाचेट’मा परमिता अनुबन्ध भएकी छिन् । आयुष्मान र प्रियंका यसअघि नै यो फिल्मको लागि आवद्ध भइसकेका थिए ।
रोमाञ्चक कुरा भने के छ भने परमिताले एक समयका आफ्नै प्रेमीलाई अब अफ स्कृन अनि सुटिङ सेटमा अन्य कोहिसँग भेट्नेछिन् । चर्चाका प्रेमी प्रेमीका आयुष र प्रियंकाको प्रेमको बीचमा परमिताको इन्ट्रि हुँदै गर्दा माहोल कस्तो बन्छ अनि पर्दामा को कसको जोडी बनेर आउँछन् त्यो भने पछिमात्र खुल्नेछ ।
माधव वाग्लेको निर्माणमा बन्न लागेको फिल्ममा ऋचा शर्मा, रबिन्द्र झा, सन्ध्या केसी लगायतका कलाकार पनि लिड अभिनयमा रहने बताइएको छ । पछिल्लो समय धेरै फिल्ममा एकसाथ देखिँदै आएको ऋचा र अर्पणको जोडी यो पटक पनि सँगसँगै देखिने समेत पक्का भएको छ ।
चैत्र अन्त्यतिर प्लोरमा जाने बताइएको फिल्ममा अर्जुन पोखरेल र राजनराज शिवाकोटीको संगीत रहनेछ । ‘चङ्गाचेट’लाई काठमाडौं, जनकपुर र पोखरामा खिच्ने निर्माण टिमले बताएको छ । निरज कंडेलले फिल्म खिच्नेछन् । यसअघि यो प्रोजेक्टको लागी नै निर्देशक खनाल महंगो पारिश्रमिकमा अनुबन्ध भएको चर्चा चलेको थियो ।
