यस्तो छ कमेडी स्वादले भरिपुर्ण ‘अमेरिका ब्वाइज’ टिजर (भिडियो)

फिल्म ‘अमेरिका ब्वाइज’को टिजर ट्रेलर रिलिज भएको छ । युट्युवमा सार्वजनिक ट्रेलरमा कमेडी कलाकारहरुको बाहुल्यता छ भने ट्रेलर पनि फूलप्याक कमेडी लाग्छ । टिजरमा कामेश्वर चौरासिया, सुनिल थापा, सन्दिप क्षेत्रीदेखि अर्पण थापासम्म अटाएका छन् ।

आगामी जेठ १८ लाई प्रदर्शन मिति तय गरेको फिल्ममा उल्लेखित कलाकारसँगै सृष्टि कार्की, अभय बराल, हरिहर शर्मा, रश्मी भट्ट लगायत लिड रोलमा छन् । फिल्मलाई प्रवेश पौडेलले निर्देशन गरेका हुन् ।

विवेक पाण्डेको कथामा तयार भएको फिल्मलाई आलोक शुक्लाले खिचेका छन् भने सम्पादन निमेष श्रेष्ठको छ । प्रकाश भुजेल, इन्द्रप्रसाद खरेल निर्माता रहेको फिल्ममा संगीत दिपक आरजे र जयन जे वाइबाको छ ।