रेस ३ पोस्टर रिलिज, जान्नुहोस सलमानको भुमिका

बर्ष २०१८ को सर्वाधिक प्रतिक्षाको फिल्म मानिएको ‘रेस ३’को पोस्टर रिलिज भएको छ । सुपरस्टार अभिनेता सलमान खानले आफ्नो टुइटर अकाउण्ट मार्फत फिल्मको पोस्टर सार्वजनिक गरेका छन् । उनको पोस्टर सार्वजनिक सहितको पोस्टरलाई वलिउडका हस्तीहरुले रि टुइट गर्दै सेयर गरेका छन् ।

आफ्नो पोस्टमा सलमानले आफु सिकन्दरको भुमिकामा फिल्ममा देखिने उल्लेख गरेका छन् । उनले लेखेका छन्, ‘यो हप्ता ‘रेस ३’को परिवारलाई मिलाउनेछु, मेरो नाम सिकन्दर हो, सेल्फलेस ओभर सेल्फिस ।’

पोस्टरमा सलमान कालो सर्टमा एक हातमा बन्दुक बोकेको अवस्थामा देखिन्छन् । ( इद) १५ जुनमा रिलिज हुने यो फिल्म सलमानको होम प्रोडक्सनको तर्फबाट निर्माण भएको हो । रेमो डिसोजको निर्देशन रहेको फिल्ममा सलमानसँगै ज्याक्लिन फर्नान्डेज, बबी देवल, डेजी शाह, अनिल कपुर फिल्ममा लिड रोलमा छन् ।