मुकेशसँग माया साट्दै फेवातालमा करिश्मा (भिडियो)

अभिनेत्री पुर्णिमा लामाको निर्माणमा बनेको फिल्म ‘हिरोज’मा समावेश गीति भिडियो ‘यो प्रित’ सार्वजनिक भएको छ । भिडियोमा लिड कलाकार मुकेश ढकाल र करिश्मा मानन्धर फिचर छन् । रमणिय शहर पोखराको फेवाताल आसपास खिचिएको गीतमा कोरियोग्राफी रामजी लामिछानेले गरेका छन् ।

गीतमा प्रल्हाद तिमिल्सिना र प्रविशा अधिकारीको स्वर छ । शंकर अधिकारीको शब्द रहेको गीतमा संगीत विकाश चौधरीले भरेका छन् । चैत्र २३ लाई प्रदर्शनको मिति तय गर्दैगर्दा निर्माण टिमले प्रचारलाई थप अघि बढाएको हो । गीतमा करिश्मा र मुकेशको प्रेम पोखिएको छ ।

एक्सन लभस्टोरी जनराको फिल्मले सामाजिक कथा बोल्छ । एनबी महर्जनको निर्देशन रहेको फिल्ममा करिश्मा र मुकेशसँगै पुर्णिमा लामा, संजोग राणा, दिलकृष्ण श्रेष्ठ, दिनेश डिसी लगायत लिड रोलमा छन् ।