खगेन्द्रको डण्डीबियोः हेर्नुहोस यस्तो बनेर आयो ‘तितेपाती’ गीत

बैसाख २१ बाट प्रदर्शनको तयारी गरेको फिल्म ‘डमरूको डण्डीबियो’को पहिलो गीत बाहिर आएको छ । राजधानीमा शुक्रबार आयोजित एक कार्यक्रमका बीच निर्माण टिमले ‘तितेपाती’ बोलको गीत सार्वजनिक गरेको हो । गीत फिल्मको कथावस्तु अनुसार जोडिएको छ ।

पुर्णतः नेपालीपना बोल्ने पञ्चेबाजा मिश्रित गीतमा मुख्य कलाकार खगेन्द्र लामिछाने, बुद्धि तामाङ, मेनुका प्रधान अनुप बराल, आशान्त शर्मा, लक्ष्मी बर्देवा लगायत फिचर छन् । कालिप्रसाद बाँस्कोटाले गीतमा स्वर र संगीत भरेका छन् भने शब्दमा उनलाई एकतारे र हरी साउदले साथ दिएका छन् । एक कालखण्डमा नेपालको राष्ट्रिय खेलको रुपमा रहेको ‘डण्डीबियो’ खेलको वरीपरी फिल्म घुमेको छ ।

फिल्मको सम्पादन निमेश श्रेष्ठ र प्रितम पाण्डेको छ । छेतेन गुरुङको निर्देशन रहेको फिल्मलाई काठमाडौं र लमजुङमा खिचिएको छ । विनोद गुरुङ निर्माता रहेको फिल्ममा छायाँकन हरी हुमागाइँको छ । कथा लेखन खगेन्द्रले नै गरेका छन् ।