चार करोडको घडी, नौ लाखको पेन, जान्नुहोस् अमिताभको सम्पत्ति
वलिउडमा सर्वाधिक धनी कलाकारको नाम लिनुपर्दा अग्र पङ्ग्तीमा आउने नाम हो । हालै मिडियाबाट बाहिर आएको तथ्याङ्क अनुसार बच्चन दम्पति अमिताभ र जयासँग १००० करोड भारतिय रुपियाँको सम्पत्ति छ । यस सम्पत्तिसँग महंगा गाडी र करोडौंको ज्वेलरी पनि जोडिएको छ । त्यतिमात्र होइन, उनीसँग एक टाटा नानो कार र एउटा ट्याक्टर पनि छ ।
जया निकट श्रोतका अनुसार अमिताभ जोडीसँग झण्डै ६२ करोड रुपैयाँ बराबरको सुन र ज्वेलरी छ । अर्को कुरा अझ अमिताभसँग धेरै ज्वेलरी छ । उनीसँग ३६ करोडको ज्वेलरी छ । जबकि, जयासँग २६ करोडको ज्वेलरी छ ।’ उल्लेखित सबै तथ्य भारतिय मिडिया आजतकले आफ्नो वेभ पोर्टलमा जोडेको छ ।
बच्चन दम्पत्तिसँग करीब १३ करोड बराबरको गाडी छ । त्यसमध्ये एक रल्स रायस, तीन मर्सिडिज, एक पोर्स र एक रेन्ज रोवर गाडी छ । अमिताभसँग एक टाटा नानो कार र एक ट्याक्टर पनि छ । त्यस्तै उनीसँग ९ लाख रुपैयाँ बराबरको एउटा कलम पनि छ । बच्चन दम्पतीसँग झण्डै चार लाख पर्ने एक घडी पनि छ । अमिताम ३ करोड ४० लाखको घडी छ भने जयासँग ५१ लाख पर्ने घडी छ ।
दुवैसँग फ्रान्सको ब्रिगनोगन प्लेजमा ३,१७५ वर्ग मिटरको रेजिडेशियल सम्पत्ति पनि छ । भारतमा उनीसँग नोयडा, भोपाल, पुने, अहमदाबाद, गान्धी नगरमा पनि सम्पत्ति छ ।
अमिताभसँग बाराबंकीको दौलतपुर इलाकामा ५.७ करोड मूल्यका ३ प्लट पनि छन् । उनकी पत्नी जयासँग् लखनऊको काकोरी इलाकामा २.२ करोड रुपैयाँको १.२२ हेक्टरको कृषि भूमि छ । दुवैले कैयन् देशको कैयन् बैंकमा आफ्नो पैसा जम्मा गरेका छन् ।
