ट्रेलर मै अश्लिल बोल्ने ‘गाँजाबाजा’ पारिवारिक फिल्म !
निर्माण घोषणादेखि प्रदर्शनको समयसम्मै अनेकन विवादमा तनिँदै आएको फिल्म ‘गाँजाबाजा’ यहि शुक्रबारबाट रिलिज हुँदैछ । निर्माण टिम यतिबेला तिब्र प्रचारमा व्यस्त छ । यहि क्रममा मोफसल दौडाहामा पुग्दा निर्देशन गणेशदेव पाण्डेले फिल्मलाई पारिवारिक भनेका छन् ।
यसअघि सार्वजनिक ट्रेलरमा सामाजिक तथा पारिवारिक रुपमा अपाच्य मानिने केहि त्यस्ता शब्दहरु समावेश गरेर अर्को आलोचना खेपेको निर्माण टिमले फिल्ममा भने त्यो केहि नभएको दाबी गरेको छ । निर्देशक पाण्डेले पोखरा पुग्दा फिल्म परिवारका सदस्यहरुसँगै बसेर हेर्न मिल्ने बनाएको तथा ट्रेलरमा समावेश केहि संवादहरु फिल्ममा समावेश नहुने दाबी गर्दै गलत अर्थ नलगाउन समेत आग्रह गरे ।
नाममा कन्फ्यूज हुनेहरुलाई सम्बोधन गर्दै पाण्डेले फिल्म पुर्णतः सामाजिक चेतनामुलक बनेको भन्दै पछिल्लो पुस्तालाई सहि मार्गमा हिड्नको लागी फिल्म मार्गदर्शन बन्ने दाबी समेत उनको छ । फिल्ममा सुशिल सिटौला, बर्षा शिवाकोटी, अनुपम शर्मा, रविन थापा लगायत लिड रोलमा छन् । दिपेन्द्र रेग्मी र गोमा बिष्ट फिल्मका निर्माता हुन् ।
