प्रदिप स्टारर ‘लिलिबिली’ ट्रेलर रिलिज (भिडियो)

प्रदिप खड्का स्टारर  फिल्म ‘लिलिबिली’को ट्रेलर रिलिज भएको छ । राजधानीमा आयोजित एक कार्यक्रमका बीच निर्माण टिमले फिल्मको ट्रेलर रिलिज गर्यो । ट्रेलरले प्रेम, रोमान्स र द्वन्द्व बोल्छ भने रोदन पनि मिश्रित छ । जसिता गुरुङसँगको प्रदिपको प्रेममा अभिनेता अनुपबिक्रम शाही नेगेटिभ देखिएका छन् ।

ट्रेलरमा अर्का अभिनेता सविन श्रेष्ठ र अभिनेत्री प्रियंका कार्कीलाई पनि एक झलक देखाइएको छ। दुबैको भुमिका सस्पेन्स लाग्छ । मिलन चाम्सको  निर्देशनमा बनेको फिल्ममा ध्रुबदत्त, रिलेश चाम्स र मनिष श्रेष्ठ पनि लिड रोलमा छन् । फिल्ममा चन्द्र पन्तको एक्सन छ ।

गोविन्द शाही  र सुदिल खड्का निर्माता रहेको फिल्ममा सुदिप बरालको छायाँकनछ। अर्जुन जिसीको सम्पादन छ । चैत्र ३० गते यो फिल्म प्रदर्शनमा आउनेछ ।