करिश्मा स्टारर ‘हिरोज’ ट्रेलर रिलिज (भिडियो)

फिल्म ‘हिरोज’को ट्रेलर रिलिज भएको छ । राजधानीमा आइतबार आयोजित एक कार्यक्रमका बीच निर्माण टिमले ट्रेलर रिलिज गर्यो । कार्यक्रममा फिल्ममा समावेश अन्य तीन गीत पनि रिलिज गरियो । एक्सन, रोमान्स समावेश ट्रेलरमा अभिनेत्री करिश्मा मानन्धर, मुकेश ढकाल, सञ्जोग राना, पुर्णिमा लामा, दिनेश डिसी लगायत फिचर छन् ।

आउँदो चैत्र २३ बाट दर्शकमाझ आउन लागेको फिल्मलाई एनबी महर्जनले निर्देशन गरेका हुन् । निर्माण सम्पन्न भएको लामो समयपछि प्रदर्शनमा आउन लागेको फिल्म करिश्मा मानन्धरको लागी संभवतः रिलिज हुन बाँकी अन्तिम फिल्म हो । उता २ बर्ष पहिले नै अमेरिका भाषिएर हालसम्म नेपाल नफिरेका अभिनेता मुकेशको पनि यो फिल्म हुन रिलिजको लागी अन्तिम हुनसक्छ ।

‘हिरोज’मा संगीत टंक बुढाथोकी र विकास चौधरीको छ । फिल्मका गीतहरुमा कोरियोग्राफी कमल राई, कविराज गहतराज र रामजी लामिछानेले गरेका छन् । सञ्जोग रानाकै कथामा बनेको फिल्मलाई तारा थापा किम्भेले सम्पादन गरेका हुन् । युवराज लामा र सञ्जोग राना फिल्मका निर्माता हुन् ।