पललाई आँचलको थप्पडः ‘शत्रु गते’ ट्रेलर रिलिज

बर्ष २०७४ को प्रतिक्षित मध्येको एक फिल्म ‘शत्रु गते’को ट्रेलर रिलिज भएको छ । युट्युवमा सार्वजनिक ट्रेलरमा कमेडी पाटोलाई प्राथमिकता दिइएको छ सँगसँगै सस्पेन्स र द्वन्द्व पनि ट्रेलरले बोल्छ ।

मह सञ्चारको प्रस्तुतीमा बनेको फिल्मलाई प्रदिप भट्टराइले निर्देशन गरेका हुन् । फिल्ममा दिपकराज गिरी, दीपाश्री निरौला, प्रियंका कार्की, हरिवंश आचार्य, मदनकृष्ण श्रेष्ठ, पल शाह, आँचल शर्मा, शिवहरी पौड्याल, बसुन्धरा भुषाल, रमेशरञ्जन झा, मोहित आचार्य लगायत लिड अभिनयमा छन् । दिर्घ गुरुङले फिल्म खिचेका हुन् ।

किरण केसीको प्रस्तुतीमा तयार फिल्म आगामी चैत्र ९ बाट प्रदर्शनमा आउँदैछ । यसअघि सार्वजनिक गीत संगीतका कारण फिल्म चर्चामा छ, दर्शकमाझ प्रतिक्षित बनिसकेको छ । फिल्ममा टंक बुढाथोकी र कालिप्रसाद बाँस्कोटाको संगीत छ ।