फेरी सर्यो ‘ह्याप्पी डेज’ रिलिज, जान्नुहोस् अब प्रदर्शन कहिले ?
पटक-पटक रिलिज फेरबदल हुँदै आएको फिल्म ‘ह्याप्पी डेज’को प्रदर्शन पुनः फेरबदल भएको छ । रिलिज प्रि पोण्डसँगै चैत्र १६ तोकिएको फिल्म अब त्यो पहिले नै आउने भएको छ । चैत्र २ लाई निर्माण टिमले अफिसियल रिलिज मिति तय गरेको छ ।
यो फिल्मलाई मिलन चाम्सले निर्देशन गरेका हुन् । चाम्सकै निर्देशकिय भेञ्चर ‘लिलिबिली’ सोहि महिनाको अन्त्यमा प्रदर्शन तय हुँदा समयसिमा हेरेरै निर्माण टिमले फिल्मलाई अघि ल्याएको हो । तय यो कुरा भने अफिसियल रुपमा निर्माण टिमले बाहिर ल्याएको छैन् । दुबै फिल्मका वितरक गोविन्द शाही हुन् ।
‘ह्याप्पी डेज’मा याहाङ राई, प्रियंका कार्की, संजय गुप्ता, विक्की जोशी, शिशिर राणा, रुपा पुन, रिकेश चाम्स र जेन बकलको अभिनय छ । लण्डन र नेपालमा खिचिएको फिल्मलाई बिपी खनाल, भवानी शर्मा, हिराल जोशी, मिलन चाम्स र डा. अशोक खनालले संयुक्त रुपमा निर्माण गरेका हुन् ।
यसैबीच नयाँ रिलिजसँगै निर्माण पक्षले कभर भिडियो प्रतियोगिता पनि घोषणा गरेको छ । जसमा सहभागी हुन इच्छुकले हिट गीत ‘चेप्टे चेप्टे पेरुंगो’मा कभर भिडियो बनाउनु पर्नेछ । कभर भिडियो तयार भएपछी जुन सुकै युट्युब च्यानलबाट अपलोड गरि ‘हयाप्पी डेज’को अफिसियल फेसबुक पेजमा लिंक सेन्ड गर्नु पर्नेछ ।
युट्युबमा सर्वाधिक भ्युज पाउने भिडियोलाई निर्माण पक्षले विजय घोषणा गरि १ लाख नगद पुरस्कार प्रदान गर्ने बताईएको छ । कभर भिडियो प्रतियोगिताको अन्तिम समय फागुन मसान्तसम्मलाई तोकिएको छ ।
