मिस्टर भर्जिनको ‘टुल्की’ गीत रिलिज (भिडियो)
फिल्म ‘मिस्टर भर्जिन’को पहिलो गीत रिलिज भएको छ । ‘टुल्की’ बोलको सार्वजनिक गीतमा सुरज पण्डितले शब्द संगीत भरेका छन् भने स्वर पनि उनको नै छ । सुदुर पश्चिमेली लोक देवडा फ्लेभर गीतले बोल्छ ।
राजधानीको ठमेल आसपास खिचिएको गीतमा गौरव पहारी, श्रद्धा प्रसाईं, बिजय बराल, स्मृति पोखरेल, कमलमणी नेपाल र इल्यान मरण्डा एक अर्काको जोडी बनेर देखिएका छन् । गीतमा र्याप भर्ने काम अमृत ल्वाङ्गुनले गरेका छन् । एरेञ्जर कमल सुर्वाङ छन् ।
दिपक एम. सिंहले कोरियोग्राफी गरेको गीतलाई रामेश्वर कार्कीले खिचेका हुन् । कार्की फिल्मका सिनेमाटोग्राफर हुन् । बिशारत बस्नेतको निर्देशनमा बनेको फिल्ममा गौरव, बिजय र कमलमणीसँगै भोलाराज सापकोटा, सृजना सुब्बा, रविन्द्र झा, मरिस्का पोखरेल लिड रोलमा छन् ।
वर्ल्डवाईड फिल्म डिस्ट्रिवुसन प्रालीको ब्यानरमा बनेको फिल्मको रिलिज मिति तय भइसकेको छैन् । ‘मिस्टर भर्जिन’मा खिलेन्द्र तिमिल्सिना, प्रजापती शिवाकोटी, मुकेश रेग्मी र निर्देशक समेत रहेका बिशारतको लगानी छ । युवायुवतीको यौन मनोविज्ञानको कथा फिल्मले बोल्छ ।
