एक ठाउँमा अनुप र प्रशान्त, ‘जय शम्भु’मा बर्षा कसकी ?
फिल्म ‘जय सम्भु’को निर्माण घोषणा भएको छ । राजधानीमा आईतबार आयोजित एक कार्यक्रमकाबीच फिल्मको ओपचारिक निर्माण घोषणा गरियो । यो फिल्ममा पछिल्लो क्रममा नेगेटिभ क्यारेक्टरमा अग्र पङ्तीमा आउने दुई नाम प्रशान्त ताम्राकार र अनुपबिक्रम शाही एकसाथ देखिने भएका छन् ।
कार्यक्रममा ‘हेण्डसम भिलेन’को ट्याग पाएका अनुप र प्रशान्त आकर्षणका केन्द्र बने । पछिल्लो समय लोकप्रिय बन्दै गएका तथा चर्चामा रहेका चल्तीका यी अनुहार एकसाथ देखिँदै गर्दा फिल्मले कस्तो स्वाद पस्किन्छ भन्ने कौतुहलता आईतबारबाट नै सुरु भएको छ । फिल्मको कथावस्तुले तान्न सफल भएकै कारण आफुहरु उक्त प्रोजेक्टमा आबद्ध भएको दुबैले एक स्वरमा तर्क गरे ।
फिल्ममा लिड अभिनेत्रीमा बर्षा शिवाकोटी छिन् । निर्माण टिमबाट प्राप्त जानकारी अनुसार फिल्मममा अनुप अभिनेताको रुपमा रहनेछन् भने नेगेटिभ क्यारेक्टरको भुमिका प्रशान्तले निभाउने छन् त्यसैले बर्षाले को सँग जोडी बाँध्छिन् खुलाईएको छैन्, संभवतः बर्षा र अनुपको प्रेममा प्रशान्त बाधक बन्ने कथा फिल्मले बोल्नसक्छ ।
एक्सन लभस्टोरी जनरा बताईएको फिल्म ‘जय सम्भु’लाई रुपेश तामाङले निर्देशन गर्दैछन् । दिनेश शाही प्रस्तुतकर्ता रहेको फिल्म जुना फिल्मस् को ब्यानरमा बन्न लागेको हो । आगामी श्रावण १ लाई रिलिज तार्गेट गरिएको फिल्म छिट्टै नै फ्लोरमा जाने बताईएको छ । प्रविण ढकालले फिल्मको सम्पादनको जिम्मा लिएका छन् ।
अरविन्द शाक्य निर्माता रहेको फिल्मको कार्यकारी निर्मातामा राजकुमार नगरकोटी र चक्र पाख्रिन छन् । प्रदिप र अर्जुन पोखरेलको संगीत रहने फिल्मलाई हरि लामा घलेले खिच्नेछन् भने रामजी लामिछानेको कोरियोग्राफी तथा श्री श्रेष्ठको द्वन्द्व रहने छ । रोशन महर्जन, करुणा पाण्डे, अनुपम श्रेष्ठ, बसन्त भट्ट र कालु राना पनि फिल्ममा लिड अभिनयमा छन् । गोविन्द शाही वितरक रहने फिल्मको छायाँकन काठमाडौं र अन्नपुर्ण बेसक्याम आसपास गरिने निर्माण टिमले बताएको छ ।
तश्विरः कुशल घतानी
