‘कान्छी’ रिलिजपछि बाहिरियो प्रज्वल र श्वेताको प्रेम
फिल्म ‘कान्छी’ यतिबेला दोश्रो हप्ताको प्रदर्शनमा छ । दोश्रो हप्तामा प्रदर्शन हुँदै गर्दा निर्माण टिम यतिबेला मोफसल यात्रामा छ । राजधानी बाहिरका दर्शकहरुसँग नजिकबाट साक्षात गरिरहेको छ । यसैक्रममा फिल्ममा समावेश एक गीत भने बल्ल सार्वजनिक भएको छ ।
लिड एक्ट्रिस श्वेता खड्का र अभिनेता प्रज्वलसुजल गिरी फिचर फिल्मको प्रेममय गीत युट्युव रिलिज गरिएको हो । फिल्ममा सस्पेन्स राखिएका प्रज्वलको क्यारेक्टर खुल्ने शंका सहित निर्माण टिमले प्रचार प्रसारमा यो गीत बाहिर ल्याएको थिएन् । हेण्डसम अभिनेता प्रज्वललाई श्वेताको प्रेममा चुर्लुम्म डुबेको अवस्थामा गीतमा भेट्न सकिन्छ ।
अञ्जु पन्त र युवराज चौलागाईंको स्वर रहेको गीतमा सम्भुजित बाँस्कोटाको संगीत छ । मुस्ताङको रमणिय लोकेशनमा गीत खिचिएको छ । ‘एक पल…’ बोलको गीतमा कोरियोग्राफी बसन्त श्रेष्ठले गरेका छन् ।
आकाश अधिकारीको निर्दशनमा बनेको फिल्मकी निर्मात्री श्वेता नै हुन् । श्वेता र प्रज्वलसँगै दयाहाङ राइ, कामेश्वर चौरासिया, आशान्त शर्मा, भुमिका श्रेष्ठ, अनु शाह लगायत फिल्ममा लिड अभिनयमा छन् ।
