सुरीमा छल्कियो वेनिशाको ‘लालगेडी’ माया !
सुरी राई र पियूष कुँवरको स्वर समावेश गीत ‘लालगेडी’को भिडियो सार्वजनिक भएको छ । सार्वजनिक भिडियोमा पियूषसँगै बेनिशा हमाल फिचरीङ छिन् । गीतले निकटतम दुई युवा युवतीको एक अर्काको मनमा रहेको मायालाई बोल्छ ।
यो गीत गायिका सुरीकै ‘सुरी’ एल्बममा संग्रहित छ भने यसमा शब्द सानो दिल र संगीत भानुभक्त ढकालको रहेको छ । यस गीतलाई राजिभ समरले कोरियोग्राफी गरेका छन् भने यसलाई बुद्ध लामा एण्ड टिमले छायाँकन गरेका हुन् ।
विकास धमलाको सम्पादन रहेको गीतलाई निकेश खड्काले निर्देशन गरेका हुन् । यस एल्बममा ५ गीत संग्रहित छन् । लालगेडीसँगै यसमा सुरी , को हो त्यो , तिम्रो आगमनले र मन भरि बेदना बोलको गीत रहेका छन् । यसमा सुरीकै स्वर रहेको छ भने लालगेडीसँगै सुरीमा पियुषले साथ् दिएका छन् । यसमा सानो दिल , रवी मल्ल , कमल मल्ल , सुरी र मनोज आचार्यको शब्द रहेको छ । यसमा भानुभक्तसँगै कल्याण सिंह , न्हू बज्राचार्य र कर्ण दासको संगीत रहेको छ ।
गायिका सुरीले एल्बमलाइ ड्रिम प्रोजेक्ट भन्दै गीतसंगीत प्रति सानै देखि लगाव रहँदा समेत अघि बढाउन नसकिरहँदा हातमा आएको मौकालाई अभ्यासको रुपमा लिएर यात्रा सुरु गरेको बताईन् ।आउँदा दिनमा पनि आफुलाई संगीतमा निरन्तरता दिन चाहने बताउँदै पियुषजी को साथले नै आफ्नो बाटो तय भएको बताईन् ।
