यस्तो बनेर आयो ‘गाँजा बाजा’को ‘रिगीपिटी’ (भिडियो)

फागुन २५ गतेबाट अलनेपाल रिलिजको तयारीमा रहेको फिल्म ‘गाँजा बाजा’को दोस्रो गीत सार्वजनिक गरिएको छ । ‘रिगीपिटी…’ बोलको गीत हेर्दा रोमान्टिक लाग्छ । गीतमा निख एण्ड जटाको संगीत छ ।

निर्मल गर्तौलाको शब्द र जटावेडा बनेर्जीको स्वर रहेको गीतमा फिल्मका लिड कलाकारहरु फिचर छन् । गणेशदेव पाण्डेको लेखन तथा निर्देशन रहेको फिल्ममा अनुपम शर्मा, सुशिल सिटौला, बर्षा सिवाकोटी, रक्षा श्रेष्ठ, रविन थापा, उद्दव भट्टराई, अम्बर सुवेदी, जीवन भट्टराई, गोपाल अर्याल, कुविर सुब्बा लगायतका कलाकारको अभिनय छ ।

फिल्ममा निख एण्ड जटाको संगीत, याकोपो रास्लिकको छायाँकन र लोकेश बज्राचार्यको सम्पादन छ । बाबा सिनेमा निर्माण कम्पनिको सहयोगमा डीआर फिल्मस र टुका इन्टरटेनमेन्टको व्यानरमा निर्माण भएको सिनेमाका निर्मातामा दिपेन्द्र रेग्मी र गोमा विष्ट थापा रहेका छन् ।

दुई हप्ताजस्तो पहिले रिलिज फिल्मको ट्रेलरले अनेकन चर्चा बटुलिरहेको छ । ट्रेलरमा समावेश केहि अपाच्य शब्दले आलोचना पनि पाईरहेको छ । निर्माण टिमले फिल्मलाई मुख्यतः युवा लक्षित भनेको छ ।