‘नेप्टे’ गीत रिलिजः क्लबमा रोहितसँग छुल्ठिमको ठूम्का

फिल्म ‘नेप्टे’को ‘दिल रानी’ बोलको क्लब गीत रिलीज भएको छ । सन्तोष राजको संगीत रहेको सार्वजनिक गीतमा उदित नारायण झा र सेलिना कुँवरको स्वर रहेको छ । गीतको भिडियोमा अभिनेता रोहित रुम्बा र अभिनेत्री छुल्ठिम गुरुङ्गले कम्मर मर्काएका छन् ।

गीतमा यमनाथ मैनालीका शब्द छन् भने कबिराज गहतराज कोरियोग्राफर हुन् । दयाहाङ राई, छुल्ठिम गुरुङ, रोहित रुम्बा, वुद्दि तामाङ, पुर्णिमा लामा, प्रनिशा सिलवाल, ए गुरुङ लगायतका कलाकारहरुको अभिनय रहेको फिल्मलाई देवकुमार श्रेष्ठले निर्देशन गरेका हुन् ।

किरण माइकलको पटकथा एंव संवाद रहेको फिल्ममा रोहित आँफैले कथा लेखेका छन् । चैत ३० लाई प्रदर्शन मिति तय गरेको फिल्मलका निर्माता रोहित रुम्बा हुन् हरी घले लामाले क्यामेरा चलाएका छन् ।