यस्तो छ ‘कृ’ तीन दिने कलेक्सन (वक्सअफिस)
शुक्रबारबाट प्रदर्शनमा आएको फिल्म ‘कृ’को तीन दिने कलेक्सन प्राप्त भएको छ । फिल्मीनेपाललाई प्राप्त जानकारी अनुसार फिल्मले तीन दिनमा ३ करोड २५ लाख माथीको ग्रस कारोबार गरेको छ । फिल्मले देशभरका सय बढि पर्दाहरुबाट यो कलेक्सन गरेको हो ।
श्रोतका अनुसार फिल्मले तीन दिनमा ३ करोड २५ लाख आसपासको ग्रस कलेक्सन गरेको हो । पहिलो दिन स्टार अभिनेता अनमोल केसी स्टारर फिल्मले ९७ लाख आसपासको बिजनेस गरेको थियो भने दोश्रो दिन दोब्बर कलेक्सन गर्यो । बिदाको दिन पर्ने शनिबार फिल्मप्रति आक्रामक रुपमा दर्शक हलमा आउँदा १ करोड ६५ लाख ५३ हजारको बिजनेस गरेको जानकारीमा छ ।
आइतबार फिल्मको देशभरको कलेक्सन ६२ लाख बताइएको छ । सबै हिसाब जोड्दा फिल्मको तीन दिनको कलेक्सन ३ करोड २४ लाख हुन आउँछ । निर्माण टिमले यो बिजनेसलाई अझै आशातित भनेको छैन् । मंगलबार परेको शिवरात्री बिदामा फिल्मको बिजनेस पुनः उकासिने अनुमान निर्माण टिमको छ ।
सुरेन्द्र पौडेल निर्देशित फिल्मलाई सुबास गिरी र भुवन केसीले निर्माण गरेका हुन् । फिल्ममा अनमोलसँगै अदिती बुढाथोकी, अनुपबिक्रम शाही, कामेश्वर चौरासिया, सरोज खनाल, रुपा राना लगायत लिड रोलमा छन् । फिल्मले दर्शकबाट मिश्रित प्रतिक्रिया पाएको छ । अनमोल केसीका फ्यानहरुले भने फिल्मलाइ ‘हाइ रेटिङ’ दिएका छन् । पुरुषोत्तम प्रधानले फिल्म खिचेका हुन् ।
