‘मंगलम’ ट्रेलर रिलिज, साम्राज्ञीको भुमिका सस्पेन्स ! (भिडियो)

छबिराज प्रोडक्सनको ब्यानरमा तयार फिल्म ‘मंगलम’को ट्रेलर रिलिज भएको छ । बिहिबार दिउँसो३ बजेको सुभ साइतमा निर्माण टिमले ट्रेलर रिलिज गरेको हो । ट्रेलरमा मुख्य कलाकार शिल्पा पोखरेल, पुष्प खड्का, पृथ्वीराज, मिथिला शर्मा, नीर शाह लगायत फिचरिङमा छन् । गेष्ट आर्टिस्ट साम्राज्ञीराज्य लक्ष्मी शाहलाई पनि जोडिएको छ ।

रोमान्स, रोदनका दृश्यहरु ट्रेलरमा समावेश हुँदा फिल्मले फेमिली तथा सोसियल ड्रामाको संकेत गर्छ । छबिराज प्रोडक्सनको ब्यानरमा बन्दै आएका पछिल्ला फिल्महरुको प्याटनलाई नै यो ट्रेलरले निरन्तरता दिएको छ । नवल नेपाल फिल्मका निर्देशक हुन् । साम्राज्ञीको भुमिकालाई सस्पेन्स राख्दै ट्रेलरको अन्त्यमा केहि दृश्य मात्रै जोडिएको छ ।

अभिनेत्री शिल्पा नै प्रस्तुतकर्ता रहेको फिल्म आगामी फागुन २५ बाट दर्शकमाझ आउँदैछ । छबि ओझा, साकार ओझा र दिजेन्द्र शाक्य फिल्मका निर्माता हुन् । गोविन्द फुयाँलको कथामा तयार भएको फिल्मलाई विष्णु कल्पित घिमिरेले खिचेका हुन् । दीपक शर्माको संगीत रहेको फिल्ममा मित्र डि गुरुङको सम्पादन छ ।