साम्राज्ञीलाई नम्बर वान भन्ने नीताको पोजिसन के ?
अभिनेत्री नीता ढुङ्गानाले पछिल्लो पुस्ताकी चल्तीको अभिनेत्री साम्राज्ञी राज्यलक्ष्मी शाहलाई हालको नम्बर वान हिरोइनको ट्याग दिएकी छिन् । नीताले हिजोको दिनमा रेखा थापाको नामले फिल्म चलेको कुरा स्मरण गर्दै आजको दिनमा कोहि हिरोइनको नामबाट फिल्म चल्छ भने त्यो साम्राज्ञी रहेको भन्दै पहिलो नम्बरकी अभिनत्रीको उपमा दिइन् ।
साम्राज्ञीलाई ‘बोल्ड एण्ड ब्यूटी लेडी’ भन्दै अहिलेको मार्केट उनकै वरीपरी रहेको समेत तर्क गरिन् । केहि दिन पहिले साम्राज्ञीलाई जोडेर गाउँले भुमिका अस्विकार गरेको भन्ने प्रकारका गसिपहरु बाहिर आएको प्रसङ्गमा नीताले बोल्ड लेडी साम्राज्ञीलाई गाउँले भुमिका नसुहाउन पनि सक्ने तर्क गर्दै आफु भने त्यो प्रकारको क्यारेक्टरको भोगी भएको बताइन् ।
तपाईँ चाहिँ कुन पोजिसनका हुनुहुन्छ भन्ने प्रश्नमा नीताले आफु हिजो जुन पोजिसनमा थिएँ त्यसैमा छु भन्दै नम्बर वान बन्न सोच कहिल्यै नभएकोदाबी गरिन् । पोजिसनको पछि भन्दा पनि कामलाई प्राथमिकता दिने र काममा विश्वास गर्ने मान्छे भन्दै नीताले बाँचुन्जेल दर्शकले साथ दिइरहनु र हेरिरहनुलाई आफ्नो सन्तुष्टि बताइन् ।
नीताले किशोरी बनेर अभिनय गरेको फिल्म ‘पञ्चायत’को भर्खरै मात्र ट्रेलर रिलिज भएको छ । बर्षौ पहिलेको कथा बोल्ने उक्त फिल्मको ट्रेलरमा नीता पुर्णतः गाउँले किशोरीको भुमिकामा छिन् । उनको अभिनयले तारिफ सहित अमेरिकामा सम्पन्न एक फिल्म फेस्टिभलमा अवार्ड समेत जितिसकेको छ ।
नीतासँगको रमाइलो कुराकानी यहाँ हेर्नुहोसः
