‘डमरुको डण्डीबियो’: खगेन्द्रको खेलाडी अबतार
खगेन्द्र लामिछाने स्टारर फिल्म ‘डमरुको डण्डीबियो’को फर्स्टलुक पोस्टर रिलिज गरिएको छ । निर्माण टिमले बाहिर ल्याएको पोस्टरमा खगेन्द्र खेलाडी अबतारमा देखिएका छन् । फिल्मको रिलिज मिति तय गरिएको छैन् ।
छेतेन गुरुङको निर्देशनमा बनेको फिल्ममा खगेन्द्रसँगै मेनुका प्रधान, बुद्धि तामाङ, अनुप बराल, अंकित खड्का, आशान्त शर्मा, लक्ष्मी बर्देवा, मिश्री थापा लगायत लिड रोलमा छन् । सम्वृद्धि इन्टरटेन्मेन्टको ब्यानरमा बनेको फिल्मलाई विनोद गुरुङ र सुमी श्रेष्ठ घलेले निर्माण गरेका हुन् ।
फिल्मको कथा पनि खगेन्द्रको नै हो । प्रितम पाण्डेले सम्पादन गरेको फिल्ममा कालिप्रसाद बाँस्कोटाको संगीत छ । हरी हुमागाईंले फिल्मको क्यामेरा चलाएका छन् ।
