दृष्टिविहिन बन्दा यस्ती देखिइन् वेनिशा,’ब्लाइण्ड रक्स’ ट्रेलर रिलिज (भिडियो)

दृष्टिविहिन सृष्टि केसीको यथार्थ जीवन कथामा बनेको फिल्म ‘ब्लाइण्ड रक्स’को ट्रेलर रिलिज गरिएको छ । राजधानीमा मंगलबार आयोजित एक कार्यक्रमका बीच निर्माण टिमले ट्रेलर रिलिज गर्यो । ट्रेलरमा अभिनेत्री वेनिशा हमाल सृष्टिको भुमिकामा फिचर छिन् ।

वायोपिक फिल्मको ट्रेलरलाई कमर्सियल बनाइएको छ । ट्रेलरमा वेनिशासँगै लिड अभिनेता अर्पण थापा, अभिनेत्री गौरी मल्ल लगायत मुख्य फिचरिङमा छन् । निकेश लिम्बुको निर्माणमा बनेको फिल्मलाई मिलन चाम्सले निर्देशन गरेका हुन् । यो फिल्म आगामी फागुन १८ मा रिलिज हुँदैछ ।

यम थापाको कथामा बनेको फिल्मको स्कृप्ट लेखनमा सुमन उप्रेतीले साझेदारी गरेका छन् । अर्जुन जिसीको सम्पादन रहेको फिल्मलाई नवराज कृष्ठ थापाले खिचेका हुन् । फिल्मलाई गोविन्द शाही, उज्जल पौडेल र मनोज राठीले वितरणको जिम्मा लिएका छन् ।