सर्दा सर्दै बैशाख पुग्यो ऋचाको ‘सुपर गोर्खे’
अभिनेत्री ऋचा सिंह ठकुरीको निर्माणमा बनेको फिल्म ‘सुपर गोर्खे’ अब आउँदो वर्षको बैशाख ७ गतेदेखि मात्रै दर्शकमाझ आउने भएको छ । यसअघि मंसिर अन्तिम साता अनि पौषमा रिलिज हुने चर्चाका बीच फिल्म रिलिज हुन सकेको थिएन ।
प्राविधिक कारणले गर्दा फिल्मको यस वर्षको प्रदर्शन मिति रोकिएको थियो । आगामी बैशाख ७ लाई भने फिल्मको अफिसियल प्रदर्शन मिति लक गरिएको अभिनेत्री तथा निर्मात्री ऋचाले बताइन् । नेपालसँगै अष्ट्रेलियामा पनि सुपर गोर्खे लाग्ने मिति तय भएको ऋचाले बताइन् । त्यहाँ रहेका नेपाली माझ अप्रिल ८ तारिखमा फिल्म देखाइने ऋचाको भनाई छ ।
किरण माइकलको लेखन, राज थापाको कथा रहेको सुपर गोर्खे लाई सौरभ लामाले खिचेका हुन् । चन्द्र पन्तको द्धन्द्ध निर्देशन तथा तारा प्रकाश लिम्बु र शालिक दुलालको संगीत छ ।
अविर हाउस प्रोडक्सन प्रा.लिको प्रस्तुती रहेको सुपर गोर्खे लाई राज थापाले निर्देशन गरेका हुन् । फिल्ममा ऋचा सहित सुरजसिंह ठकुरी, निराजन लुईंटेल, भुपेन्द्र खत्री लगायत कलाकारहरुको अभिनय रहेको छ ।
