स्कटल्याण्डमा अनमोल र अदितीको रोमान्स, ‘कृ’ जानी नजानी’ गीत रिलिज (भिडियो)
फिल्म ‘कृ’मा समावेश पछिल्लो गीत ‘जानी नजानी’ रिलिज भएको छ । राजधानीमा आयोजित एक कार्यक्रमका बीच निर्माण टिमले गीत सार्वजनिक गर्यो । अनलाइन रिलिज गर्दै डिजिटल कम्पनि हाईलाईट्स नेपाल’ले यो गीत युट्युवमा अपलोड गरेको छ ।
सार्वजनिक गीत हप्ता पहिले मात्रै स्कटल्याण्ड पुगेर खिचिएको थियो । गीतमा अनमोल र अदिती रोमान्टिक मुडमा प्रस्तुत छन् । रोदिन भण्डारीले स्वर भरेको गीतमा शब्द संगीत विशेष पाण्डे र रोदिनको नै छ । कोरियोग्राफी बिक्रम लामा र अञ्जेला खत्रीले गरेका छन् ।
सुरेन्द्र पौडेल निर्देशित फिल्म यहि शुक्रबारबाट रिलिज हुँदैछ । भुवन केसी र सुवास गिरी मिलेर निर्माण गरेको फिल्ममा अनुपबिक्रम शाही, कामेश्वर चौरासिया, सुदांस सिके, सरोज खनाल लगायत लिड रोलमा छन् । फिल्मले एक्सन लभस्टोरी बोल्छ ।
