अदितीको छोटो लुगा अनमोललाई राप !
केहि दिन पहिले मात्रै फिल्म ‘कृ’को एक रोमान्टिम गीत खिच्न बेलायत पुगेर फर्केका अभिनेता अनमोल केसी सोमबार राजधानीमा आयोजित एक प्रेस भेटघाटमा रोमान्टिम देखिए । गीत रिलिज तथा ब्राण्ड प्रमोशनको लागी आयोजित कार्यक्रममा उनले बेलायत सुटिङको अनुभव सुनाए ।
निकै चिसो मौसमका बीच अभिनेत्री अदिती बुढाथोकीले गीतको माग अनुसारको दृश्य दिएको निर्माण टिमले सुनाउँदै गर्दा अदितीले पनि कठिन परिस्थितीका बाबजुत राम्रो काम गर्ने प्रयास गरेको बोलिन् । अनि प्रश्न छेउमै रहेका अनमोललाई तेर्सियो, अदिती काप्दा तपाईंलाई जाडो लागेन ?
अनमोलले मिडियाकर्मीलाई फन्नी जवाफ फर्काए, ‘उसलाई जाडो लाग्दा मलाई तातो भयो !’ उनले छोटो ड्रेसमा देखिएको अदितीको हट अबतारले आफुलाई तातो राप मिलेको बताउँदै गर्दा ‘कृ’ गर्लको फिगरको तारिफ गर्न पनि पछि परेनन् । अनमोलले अदितीको फिगरलाई एक शब्दमा ‘कोकाकोला’ फिगर भने ।
उनका यसअघि रिलिज फिल्मको लाइफटाइम विजनेस र ‘कृ’को वक्सअफिस कलेक्सनलाई जोडेर सोधिएको प्रश्नमा अनमोलले केहि नर्भस र धेरै उत्साहित भन्दै आफ्नो बुझाइमा ‘कृ’ले आफ्ना यसअघि रिलिज सबैजसो फिल्मको विजनेस आँकडालाई तोड्ने आशा व्यक्त गरे । हिजोको दिनमा भन्दा आज थप मेहनत बढ्दै गएको तथा लामो अन्तरमा आउँदै गरेको फिल्मलाई लिएर उत्साह पनि बढेको भन्दै उनले ‘कृ’माथी दर्शकबाट हिजोको साथको निरन्तरतासँगै थप माया पाउने आशा उनले पोखे ।
सधैंजसो मिडियाकर्मीमाझ पुग्दा आफुले आफुलाई स्टार नसम्झिने र सधैं सिकाई कै ‘पिरियड’मा रहेको बताउने अनमोलले अदितीसँगको केमेष्ट्रि गज्जबले जमेको बताए । सुरेन्द्र पौडेलको निर्देशनमा बनेको फिल्म यहि माघ २६ अर्थात आउँदो शुक्रबारबाट रिलिज हुँदैछ । भुवन केसी र सुवास गिरी मिलेर निर्माण गरेको फिल्ममा अनुपबिक्रम शाही, कामेश्वर चौरासिया, सुदांस सिके, सरोज खनाल लगायत लिड रोलमा छन् । फिल्मले एक्सन लभस्टोरी बोल्छ ।
