अफिसियलः ‘जात्रा’ इन्टरनेट रिलिज (पुरा फिल्मसहित)
गत बर्षको चर्चित अनि वक्सअफिस हिट फिल्म ‘जात्रा’ इन्टरनेट रिलिज भएको छ । डिजिटल अधिकार प्राप्त कम्पनि हाईलाईट्स नेपालले पुरा फिल्म अफिसियल रुपमा शुक्रबारबाट अनलाइन रिलिज गरेको हो ।
प्रदिप भट्टराईको निर्देशनमा बनेको फिल्मले यो बर्ष सम्पन्न धेरै अवार्ड समारोहमा पनि विभिन्न विधामा आफुलाई अब्बल सावित गरिसकेको छ । फिल्ममा रविन्द्रसिंह बानियाँ, विपन कार्की, वर्षा राउत, रविन्द्र झा लगायत लिड रोलमा छन् । उक्त फिल्मबाट चम्केका रविन्द्र झालाई यतिबेला फिल्म अभिनयको लागी भ्याइ नभ्याई छ ।
जात्रामा समावेश उल्लेखित सबैजसो कलाकार हालका ‘हट केक’ बनिरहेका छन् । प्रदिप भट्टराईकै कथामा बनेको फिल्मलाई सिंघे लामा र यादव पौडेलले निर्माण गरेका हुन् कार्यकारी निर्मातामा कलाकार समेत रहेका बानियाँ छन् ।
यसैबीच निर्माण टिमले फिल्म अनलाईन रिलिजको दिन नै सिक्वेल निर्माणको घोषणा गरकेो छ । अर्को बर्ष सुटिङ भइ रिलिज हुनेगरी फिल्मको सिक्वेल निर्माणको घोषणा गरिएको छ ।
