फ्राइडे रिलिजः पर्दामा मेनुका भर्सेज रजनी !
फ्राईडे रिलिज अन्तर्गत यो हप्ता दुई नेपाली फिल्म प्रदर्शनमा आएका छन् । फिल्म हुन ‘शेरबहादुर’ र ‘पटुकी’ । पटुकी सामाजिक तथा पारिवारिक कथामा आधारित छ भने अर्को फिल्मले सस्पेन्स थ्रिलर जनरा बोल्छ ।
‘पटुकी’मा रजनी केसी मुख्यः भुमिकामा छिन् । ‘परदेशी’ फिल्म रिलिजपछि चर्चामा रहेकी यी सुन्दरी यतिबेला भने करियर चम्काउने फिल्मको खोजीमा छिन् । म्याक्तेन कालुले फिल्म निर्माण गरेका छन् । फिल्ममा रजनीसँगै जेम्स विसी, निर्माता म्याक्टेन कालु, दिपक कँडेल, रोजी श्रेष्ठ, हरि गुरुङ लगायतको मुख्य अभिनय छ । राम नेपालले यो फिल्म निर्देशन गरेका छन् ।
उता मेनुका प्रधान, सुनिल थापा, कर्मा शाक्य, रविन्द्र झा लिड रोलमा रहेको फिल्म ‘शेरबहादुर’ पनि शुक्रबार नै रिलिज भएको हो । दुई दिन पहिले राजधानीमा आयोजित प्रिमियरमा राम्रो प्रतिक्रिया पाएको फिल्मलाई मुख्यतः मल्टिप्लेक्स लक्षित मानिएको छ । फिल्मलाई आर राजवंशीले निर्देशन गरेका छन् । गौरीशंकर धुँजु निर्माता हुन्।
