विश्वकै कान्छा निर्देशकको ‘हैरान’ रिलिज कन्फर्म
विश्वकै कान्छा निर्देशक सौगात बिष्टको दोश्रो निर्देशकिय फिल्म ‘हैरान’को रिलिज फाइनल भएको छ । निर्माणको लामो समयसम्म प्रदर्शनको मिति सम्म तय नभएको फिल्म अब भने आउँदो जेष्ठ ४ मा रिलिज पक्का भएको छ । फिल्मलाई काठमाण्डौ भित्र माधव वाग्लेको पपकर्न पिक्चर्सले र उपत्यका बाहिर मनोज राठीले वितरण गर्ने छन् ।
कार्यकारी निर्माता सम्झना पोख्रेल रहेको फिल्मलाई कमेडी जनराको भनिएको छ । फिल्ममा गजित बिष्ट, सत्यराज आचार्य, सरोज खनाल, मोहमद वसिम राजा, बुद्धि तामाङ, निश्मा घिमिरे, आरोही शर्मा, पुष्कर रेग्मी, सागर लम्साल, एन्जल राई लगायतका कलाकारले मुख्य भुमिकामा अभिनय गरेका छन ।
डान्स फेभरको ब्यानरमा निर्मित फिल्ममा मुक्ति घले , सृष्टि घिमिरे, डाक्टर वाई.एल. लामा लगानी रहेको छ । फिल्ममा कथा तथा कोरियोग्राफी गम्भिर बिस्टको छ भने द्वन्द चन्द्र पन्तको छ । नवराज उप्रेती र निरज कडेलले खिचेको फिल्मलाई प्रितम पाण्डेले सम्पादन गरेका छन् ।
