कालिञ्चोकमा हिउँमा मर्कियो पवित्राको कम्मर (फोटो फिचर)

हिउँ खेल्न रुचाउनेहरुको लागी यो सिजन दोलखाको कालिञ्चोक पहिलो रोजाईमा पर्छ, परिरहेको छ । यहि छेकोमा निर्देशक बसन्त निरौलाले भने कालिञ्चोक पुगेर हिउँको नेचुरल दृश्यसँगै म्युजिक भिडियो छायाँकन गरेका छन् । बसन्तको ‘एक्सन कट’मा अभिनेत्री पवित्रा आचार्यले कम्मर मर्काईन् ।

“हिउँ जस्तै सफा मन, हिउँको जस्तै कोमल तन” बोलको गीतलाई हिउँ परेकै समय पारेर कालिञ्चोकमा खिचिएको हो । गीतमा स्वर पारू रञ्जितको छ । नव गायिका पारुको यो गीत एल्बम ‘मनको आवेग’मा समावेश हुनेछ । भिडियो भने केहि दिनमा नै सार्वजनिक गर्ने निर्देशक निरौलाले बताए ।

देव पुनः को शब्द संगीत रहेको गीतको भिडियोमा कोरियोग्राफी पनि पवित्राले नै गरेकी छिन् । दिव्य सुवेदीले भिडियो खिचेका हुन् भने बिरेन्द्र रंजितले भिडियोलाई निर्माण गरेका हुन् ।