मायामा हारेका सविनः बन्धन ट्रेलर रिलिज (भिडियो)
सविन श्रेष्ठ स्टारर फिल्म ‘बन्धन’को ट्रेलर रिलिज भएको छ । आगामी फागुन ११ लाई प्रदर्शन मिति तय गर्दै फिल्म युनिटले ट्रेलर रिलिज गरेको हो । ट्रेलरमा सविन पीडीत प्रेमीको भुमिकामा छन् भने सँगसँगै उनका एक्सनप्रधान दृश्यहरु पनि समावेश छन् ।
शिशिरजय खरेलको निर्माण तथा डिबी बम्जनको सह निर्माणमा बनेको फिल्मको सार्वजनिक ट्रेलरले प्रेम, रोदन र द्वन्द्वात्मक भाव बोलेको छ । समिर मियाले फिल्म निर्देशन गरेका हुन् । ट्रेलरमा लिड कलाकार सविन र पुर्णिमा लामा मुख्यतः फिचर छन् ।
अष्ट महर्जनको द्वन्द्व रहेको फिल्मलाई जयकुमार दर्लामी मगरले खिचेका हुन् । शिवम अधिकारीको कथामा तयार ‘बन्धन’मा सविन र पुर्णिमासँगै प्रिन्स र प्रकाश श्रेष्ठ लिड रोलमा छन् । रोहन नेपालीको कोरियोग्राफी रहेको फिल्ममा संगीत राजेन्द्र भट्टको छ ।
लामो समयदेखि प्रदर्शन मिति पर्खेर बसेका निर्माता खरेलले फागुन ११ लाई ‘बन्धन’को आधिकारिक प्रदर्शन मिति बताएका छन् । फिल्मलाई सुनिल मानन्धरले वितरणको जिम्मा लिएका छन् । सामाजिक तथा पारिवारिक कथा बोल्ने फिल्मले हरेक दर्शकको पारिवारिक भाव बोल्ने निर्माता खरेलको दाबी छ ।
