स्कटल्याण्ड उड्दै अनमोल, जीयाले भुवनलाई नछोड्ने
युवा स्टार अनमोल केसी स्टारर फिल्म ‘कृ’ रिलिज हुन अब १६ दिन मात्रै बाँकी छ । तर यो फिल्मको अहिलेसम्म पनि पुर्ण छायाँकन सकिएको छैन् । फिल्ममा समावेश एक गीत अझै खिच्न बाँकी छ । निर्माण घोषणाको समयदेखि नै उक्त गीतलाई विदेशमा छायाँकन गर्ने बताएको निर्माण टिम अब भने त्यसको तयारीमा जुटेको छ ।
प्राप्त जानकारी अनुसार ‘कृ’ टिम बिहिबार गीत छायाँकनको लागी यूरोप प्रस्थान गर्दैछ । स्कटल्याण्डमा गीत खिचिनेछ । छायाँकनको लागी १० जनाको टिम स्कटल्याण्ड प्रस्थान गर्न लागेको बुझिएको छ । जहाँ निर्माता द्वय सुवास गिरी र भुवन केसीसँगै निर्देशक सुरेन्द्र पौडेल, लिड कलाकार द्बय अनमोल र अदिती प्रोडक्सन म्यनेजर शंकर पाण्डे सहितका सदस्य छन् ।
‘कृ’ टिम १७ गते नेपाल फर्किने बताइएको छ । गीत भने फिल्म रिलिजको एक हप्ता पहिले रिलिज गरिनेछ । यसअघि सार्वजनिक यति यति पानी’ बोलको गीतले फिल्मको हाइप उच्च बनाउँदै गर्दा रिलिजको पुर्वसन्ध्यामा बाहिर ल्याउने गीतले दर्शक तथा फिल्म चिन्तकहरुमा थप चासो र उत्साह बढाउने निर्माण टिमको विश्वास छ ।
जीया केसी पनि सँगसँगैः
‘कृ’ युनिट स्कटल्याण्ड उड्दै गर्दा भुवन केसीकी अघोषित प्रेमिका जीया केसी पनि उक्त टिमसँग सँसँगै हुनेछिन् । पछिल्लो पटक सामाजिक सञ्जालमा ‘कृ’ फिल्मको प्रचार प्रसारमा खुलेर लागेकी जीया फिल्मको गीत छायाँकनमा यूरोप जाने टिममा एक सदस्य बनेकी छिन् ।
फिल्म युनिट विदेश जान लाग्दा भुवनलाई जीयाले आफु पनि जान चाहेको कुरा खोलेकी थिइन् । जुन कुरा लामो समयदेखि एकसाथ हुँदै आएका अनमोल पीता भुवनले हार्न सकेनन् । त्यसपछि एकसाथ सबैको भिषा आवेदन हुँदा जीया पनि अटाएको बुझिएको छ । जीयाको पनि भिषा प्रक्रिया सबै पुरा भइसकेको बताइएको छ ।
