जहाँ अर्पण त्यहाँ ऋचा, ‘फेरि फेरि’ घोषणा
पुरन थापाको लेखन, निर्माण तथा निर्देशन रहने गरी फिल्म ‘फेरि फेरि’को निर्माण घोषणा भएको छ । मंगलबार राजधानीमा आयोजित एक कार्यक्रमका बीच फिल्मको मुहर्त गरियो । फिल्मले मुख्यतः कमेडी जनरा बोल्नेछ ।
चलचित्र बिकास बोर्डकी नव नियुक्त अध्यक्ष निकीता पौडेलको प्रमुख आथित्यतामा सम्पन्न शुभमुर्हत समारोहमा अभिनेत्री ऋचा शर्माका साथमा अभिनेताद्धय अर्पण थापा र धर्मेन्द्र आचार्यले मुर्हत सटमा अभिनय गरेका थिए । माघ १८ गतेदेखि छायांकन सुरु हुने ‘फेरि फेरि’ पहिलोपटक ३५ सेन्सरयुक्त अत्याधुनीक प्रबिधिको रेड इपिक डब्लु हेलियम एट के क्यामेराबाट खिचिँदैछ । निर्देशक पुरनले अत्याधुनिक प्रबिधिका साथ अत्यन्तै मनोरञ्जक फिल्म बनाउने ध्यये आफ्नो रहने बताए ।
कार्यक्रममा चलचित्र निर्माता संघका अध्यक्ष आकाश अधिकारीले फेरि फेरिलाई शुभकामना दिदै फिल्म निर्माणमा मात्र नभइ प्रदर्शनमा पनि अध्याधुनीक प्रबिधिको ब्यबस्थापन गर्नुपर्नेमा जोड दिए । उनले शहरी क्षेत्रका कतिपय हलमा अहिलेसम्म पनि एचडिमै फिल्म देखाइने गरिएको बताउदै कम्तीमा सबै हलमा टु–के प्रोजेक्सनको अपरिहार्यता औल्याए ।
कार्यक्रमकी प्रमुख अथिति तथा बोर्ड अध्यक्ष निकीताले नेपाली चलचित्र क्षेत्रले आफूमाथि राखेको बिश्वास पूरा गर्न आफू लागी परेको बताइन् । उनले फेरि फेरिलाई सफलताको शुभकामना दिदै आफ्नो कार्यकालमा नेपाली चलचित्र क्षेत्रको बिकासका लागि ठोस काम हुने दावी गरिन् । कार्यक्रममा फेरि फेरिको निर्माण कम्पनी माता बसुन्धारा मुभीजले प्रथम महिला बोर्ड अध्यक्ष निकीतालाई सम्मान गरेको थियो ।
फेरि फेरिमा अर्पण थापा,ऋचा शर्मा, बिकास चापागाईं, धर्मेन्द्र आचार्य, ओमप्रतिक गुरुङ, लय संग्रौला, रश्मी पाण्डे, ध्रुव कोइराला, एलिना बास्कोटा, सोनीका बास्तोला, राम बुढाथोकी लगायतले अभिनय गर्नेछन् । निरज थापा निर्माता रहेको फिल्म सुरेश बज्रचार्यले खिच्ने छन् । फिल्ममा एनबि महर्जनको द्धन्द्ध, रामजी लामीछाने र सुरेन्द्र बसेलको कोरियोग्राफी, पुरन थापाको गीत, बिकास चौधरी र पुरन थापाको संगीत छ ।
ऋचा र अर्पण सँगसँगैः
पछिल्लो पटक नेपाली पर्दामा एकसाथ देखिँदै आएको जोडी हो अभिनेता अर्पण थापा र ऋचा शर्माको जोडी । पछिल्लो पटक प्रदर्शनमा आएका फिल्ममा मात्र होइन यो जोडी प्रदर्शन हुन बाँकी केहि फिल्ममा पनि एकसाथ आउँदै छ । यो पटक ‘फेरि फेरि’मा पनि ऋचा र अर्पण एकसाथ देखिने भएका छन् ।
फिल्म अभिनय मात्र नभइ एकसाथ फिल्म निर्माण र निर्देशनमा समेत जुटिसकेका ऋचा र अर्पणको जोडी जम्दै पनि आएको छ । तर यी दुई एकसाथ रहँदै आएका धेरै फिल्म बक्सअफिसमा भने हिट छैनन् । त्यसैले त गसिप बजारमा चर्चा चल्न थालेको छ ऋचा हुँदा अर्पण खोज्ने र अर्पण हुँदा उनले ऋचालाई सिफारिस गर्छन् सम्म भनेर !
