नीताको रोजाईमा नम्बर वान केकी !
अभिनेत्री केकी अधिकारी र नीता ढुङ्गाना नेपाली फिल्म उद्योगमा मिल्ने साथीमा पर्छन् । कहिँकतै सार्वजनिक कार्यक्रममा देखिँदा होस् या सामाजिक सञ्जालमा तश्विरहरु पोष्ट हुँदा यी दुईको मित्रता राम्रै छल्किन्छ । केहि बर्षयता मिडियामा आएको ‘मसान’ फिल्मको अवार्डलाई लिएर भएको विवादलाई साम्य पार्दै यतिबेला एक ठाउँमा केकी र नीता देखिन थालेका छन् ।
पछिल्लो पटक यी दुई सुन्दरीले फिल्म ‘हुर्रे’मा काम गरे । एकसाथ स्कृन सेयर नभए पनि फिल्ममा समावेश आइटम गीतमा कम्मर मर्काउनको लागी नीतालाई केकीले अफर गरिन् । आइतबार सार्वजनिक भएको ‘मरे नी पशुपति बाँचे नी पशुपति’ बोलको आइटम गीतमा नृत्यको लागी केकीले पहिलो रोजाईमा नीता देखिन् गीतको भाव बुझेपछि नीता पनि उक्त आग्रह स्विकर गर्दै पहिलो पटक आइटम गीतमा बोल्ड अबतारमा प्रस्तुत हुन राजी भइन् जुन कुराले नै पछिल्लो समयको यी दुईको मित्रता झल्किन्छ ।
गीत सार्वजनिक कार्यक्रममा एकसाथ देखिएका दुबैले एक अर्काको तारिफ गर्न पछि हटेनन् । केकीको तारिफपछि नीता पनि के कम बोलिन्, ‘केकी इज माइ अलटाइम फेवरेट एक्टर’ । नीताले केकीलाई घुमाएर पहिलो रोजाईको हिरोइन बोल्दा हलमा उपस्थित धेरैले ताली पनि पिटे ।
कार्यक्रममा नीतामाथी शब्द पोख्दै केकीले ‘मसान’ फिल्ममा उनले निभाएको सानीको आफु जहिल्यै फ्यान भएको बताइन् । केकीले तारिफ गर्दा नीता अनि नीताको तारिफ पाउँदा केकी मुस्कुराईरहेका देखिन्थे । लामो समयपछि एकसाथ नाम जोडिएर पर्दामा आउँदै गरेको यी दुई सुन्दरीको फिल्म ‘हुर्रे’ फागुन २५ मा रिलिज हुँदैछ ।
यम थापाको कथा तथा निर्देशनमा बनेको फिल्ममा केकी अधिकारी, राजाराम पौडेल, बिजय बराल, अनुपबिक्रम शाही, अंकित खड्का लिड अभिनयमा छन् । फिल्मलाई कमेडी जनरा भनिएको छ । शिव ढकालले खिचेको फिल्ममा दावा शेर्पा, सोनम लामा र छिरिङ दोर्जेको लगानी छ ।
आईतबार सार्वजनिक नीता फिचर गीतमा संगीत कालिप्रसाद बाँस्कोटाको छ भने स्वरमा कालिलाई झुमाले साथ दिएकी छिन् । सविन एकतारेले गीतको शब्द लेखेका हुन् । बिक्रम स्वाँरले नृत्य निर्देशन गरेका छन् ।
