२३ दिनमा ‘रुपै मोहनी’लाई ५१ लाख बढिको साथ !

फिल्म ‘शत्रु गते’मा समावेश गत डिसेम्बर २९ मा रिलिज ‘रुपै मोहनी’ बोलको गीतले ५० लाख भ्यूजको माइलस्टोन पार गरेको छ । रिलिजको २३ औं दिनमा यो गीतले ५१ लाख बढिको भ्यूज पाएको छ । गीतलाई दर्शकले दिएको साथ र मायाले निर्माण टिम उत्साहित बनेको छ।

प्रदिप भट्टराई निर्देशित उक्त फिल्मको गीतमा स्वर मिना निरौंला र टंक बुढाथोकीले भरेका छन् । संगीत पनि बुढाथोकीको नै छ । फिल्ममा प्रायः मुख्य कलाकार गीतमा फिचर छन् । युट्युवमा दर्जनौं रुपमा यो गीतको कभर भिडियोहरु अपलोड भएका छन् ।

मह संचारको प्रस्तुतीमा तयार फिल्म आउँदो चैत्र ९ गतेबाट दर्शकमाझ आउँदैछ । फिल्ममा हरिवंश आचार्य, मदनकृष्ण श्रेष्ठ, दिपकराज गिरी, दिपाश्री निरौला, शिवहरी पौड्याल, पल शाह, आँचल शर्मा, प्रियंका कार्की, बसुन्धरा भुषाल लगायत लिड अभिनयमा छन् । दिर्घ गुरुङले फिल्म खिचेका हुन् ।