माघे संक्रान्तिमा दर्शकलाई शिल्पाको बम्पर उपहार !
केहि दिन पहिले मात्रै फागुन २५ लाई आधिकारिक प्रदर्शन मिति तय गरेको फिल्म ‘मंगलम’को दोश्रो गीत रिलिज भएको छ । माघे संक्रान्तिको उपलक्ष्यमा निर्माण टिमले फिल्ममा समावेश ‘बम्पर उपहार’ बोलको गीत रिलिज गरेको हो । गीतमा अभिनेत्री शिल्पा पोखरेल र अभिनेता पृथ्वीराज प्रसाईं फिचरिङमा छन् ।
प्रमोद खरेलको स्वर रहेको गीतमा संगीत दिपक शर्माको छ भने भिडियोमा कोरियोग्राफी कविराज गहतराजको छ । मित्र डि गुरुङले सम्पादनको काम गरेका हुन् । क्यामेरा विष्णु कल्पित घिमिरेले चलाएका छन् । गीतका शब्द लेखु सहयात्रीका हुन् ।
छबिराज प्रोडक्सनको ब्यानरमा बनेको फिल्ममा छबिराज ओझा, बिजेन्द्र शाक्य, ओम गुरुङ र साकार ओझा निर्मातामा छन् । नवल नेपालको निर्देशनमा बनेको फिल्ममा शिल्पा र पृथ्वीसँगै निर शाह, मिथिला शर्मा, पुष्प खड्का लिड रोलमा छन् । फिल्मको कथा गोविन्द फुयाँलको हो ।
