‘लिलिबिली’ गीत रिलिजः मायाको परिभाषा खोज्दै प्रदिप र जसिता (भिडियो)
पछिल्लो पुस्ताका लोकप्रिय अभिनेता प्रदिप खड्का स्टारर फिल्म ‘लिलिबिली’को पहिलो गीत रिलिज भएको छ । राजधानीमा सोमबार आयोजित एक कार्यक्रमका बीच फिल्मको प्रेमभाव बोल्ने गीत रिलिज गरियो । गीतमा प्रदिपसँगै नव अभिनेत्री जसिता गुरुङ फिचरिङमा छन् ।
युरोपको स्कटल्याण्डमा खिचिएको गीतमा मनोरम दृश्य समावेश छ । छायाँकन, सम्पादन तथा चयन गरिएको लोकेशनका कारण गीतको मेकिङ रिच देखिन्छ । कविराज गहतराजले गीतको भिडियोमा कोरियोग्राफी गरेका छन् । स्वर प्रताप दास र मेलिना राईले भरेका छन् ।
एलिस कार्कीको संगीत रहेको गीतका शब्द राजेशकुमार श्रेष्ठले लेखेका छन् । मिलन चाम्सको निर्देशनमा बनेको फिल्मको केहि हप्ता पहिले मात्रै छायाँकन सकिएको थियो । नयाँ बर्ष २०७५ को छेकोमा प्रदर्शन तार्गेट गरेको निर्माण टिमले अफिसियल रिलिज मिति तय गरिसकेको छैन् ।
गोविन्द शाहि, मिलन चाम्स र सुदिप खड्काले निर्माण गरेको फिल्ममा प्रदिप र जसितासँगै अनुपबिक्रम शाही, प्रियंका कार्की, सविन श्रेष्ठ, ध्रुबदत्त, मनिष श्रेष्ठ लिड अभिनयमा छन् । फिल्मलाई सुदिप बरालले खिचेका हुन् ।चन्द्र पन्तले द्वन्द्व निर्देशन गरेका छन् ।
