यस्तो छ ‘मिस्टर झोले’को दुई दिने कलेक्सन (बक्सअफिस)
शुक्रबारबाट प्रदर्शनमा आएको दयाहाङ राई स्टारर फिल्म ‘मिस्टर झोले’ले राम्रो सुरुवात गरेको छ । निर्माण टिमले फिल्मको पहिलो दुई दिनको बिजनेसबाट सन्तुष्टी व्यक्त गरेको छ । आशातित रुपमा दर्शकको साथ हलमा मिलेको भन्दै कार्यकारी निर्माता रौनकबिक्रम कडेलले खुशी व्यक्त गरे ।
वितरक गोविन्द शाहीलाई उद्धृत गर्दै कंडेलले फिल्मले दुई दिनमा देशभरबार १ करोड १० लाखको ग्रस बिजनेस गरेको बताए । रिलिजको पहिलो दिन शुक्रबार फिल्मले उपत्यकाबाट ३० लाख र उपत्यका बाहिरबाट १५ लाखको ग्रस बिजनेस गरेको बताउँदा कडेलले दोश्रो दिनको बिजनेस उपत्यका भित्र र बाहिर क्रमशः ४० लाख र २५ लाख ग्रस रहेको जनाए ।
फिल्म हेर्ने सबैजसो दर्शकले राम्रो बोलेको दाबी गर्दै उनले बिहानी शो मा भने हलमा ५० प्रतिशत मात्रै अकुपेन्सी रहेको बताए । ‘जाडोको सिजन भएकोले बिहानको शोज मा दर्शकको चाप आधा मात्रै देखियो, शनिबार राजधानीका मल्टिप्लेक्समा दिवा तथा रात्री शोजहरु अधिकांश हाउसफूल रहे कडेलले बताए ।
रामबाबु गुरुङ निर्देशित फिल्मका निर्माता टेकेन खड्का हुन् । फिल्ममा दयाहाङ राई, बर्षा राउत, दिया पुनः, बिजय बराल, प्रविण खतिवडा, बुद्धी तामाङ,अरुणा कार्की, कमलमणी नेपाल लगायतको अभिनय छ ।
