‘ब्लाइण्ड रक्स’ गीत रिलिज, वेनिशाले मर्काइन् कम्मर (भिडियो)
फागुन १८ बाट प्रदर्शनमा आउने फिल्म ‘ब्लाइण्ड रक्स’को पहिलो भिडियो प्रचार सामग्री सार्वजनिक भएको छ । रिलिजको मिति नजिकिँदै गर्दा निर्माण टिमले फिल्ममा समावेश ‘उड्यो मन’ बोलको गीत रिलिज गरेको हो । गीतमा लिड अभिनेत्री वेनिशा हमाल फिचरिङमा छिन् ।
ब्लाइण्ड गर्ल श्रृष्टि केसीको यथार्थ जीवनकथामा बनेको बायोपिक फिल्मको सार्वजनिक गीतमा बानिका प्रधानले स्वर दिएकी छिन् । गीतमा कत्थक नृत्य र शाष्त्रिय संगीतको स्वाद मिश्रित छ । हरि लम्सालले संगीत भरेका छन् ।
नरेश भट्टराईका शब्द समावेश गीत रिलिज पश्चात फिल्मका निर्देशक मिलन चाम्सले यो गीतबाट धेरैपछि दर्शकले शाष्त्रिय संगीतको स्वाद लिन पाउने बताए । चाम्सले भने, ‘यसमा कत्थक र क्लासिकल टेस्ट मिश्रण गरिएको छ ।’
दुर्घटनामा दृष्टि गुमाएकी सृष्टि बायोपिक फिल्ममा अर्पण थापा, गौरी मल्ल, अनिल शाह, बसन्त भट्टको समेत मुख्य भूमिका छ । अभिनेत्री वेनिशाले सृष्टिको भूमिकामा अभिनय गरेकी छन् ।
लन्डन प्रदर्शनपछि निकेश लिम्बु निर्मित फिल्म फागुन (मार्च २) मा नेपाल रिलिज हुन लागेको हो । नेपाल रिलिजको पुर्व सन्ध्यामा फिल्मको हङकङ प्रदर्शन हुनेछ । । एन फिल्मस क्रिएसन र चाम्स इन्टरटेनमेन्टको संयुक्त ब्यानरमा बनेको फिल्मलाई लिएर निर्माण युनिट माघको पहिलो साताबाट देशव्यापी प्रचार ‘टुर’मा निस्किनेछ ।
