दया र प्रियंकाको ‘हेप्पी डेइज’ रिलिज पोष्टपोण्ड, ‘पद्मावती’ रिलिज कन्फर्म
माघ १२ लाई प्रदर्शन मिति तय गरेको फिल्म ‘हेप्पी डेईज’को रिलिज पोष्टपोण्ड भएको छ । बलिउडको चर्चित अनि प्रतिक्षित फिल्म ‘पद्मावती’ को रिलिज सोहि मितिमै पक्का भएपछि दयाहाङ राई र प्रियंका कार्की स्टारर नेपाली फिल्मको रिलिज पोष्टपोण्ड भएको हो ।
ठुलो विवाद र झमेलामा फसेको फिल्म ‘पद्मावती’को नाम ‘पद्मावत’ बनाएसँगै भारतिय फिल्म सेन्सर वोर्डले फिल्मलाई प्रदर्शनको लागी बाटो खोलेको थियो । यसअघि यो फिल्म गत डिसेम्बर १ मा रिलिज तय हुँदा पोष्टपोण्ड भएको थियो ।
अब यो फिल्म कहिले प्रदर्शनमा आउने भन्नेबारे निर्माण टिमले आधिकारिक कुरा बाहिर ल्याएको छैन् । वितरक गोविन्द शाहीले फिल्मको आधिकारिक प्रदर्शन मिति केहि दिनपछि तय हुने बताए । उनका अनुसार बर्ष २०७४ भित्रै फिल्म रिलिज हुनेछ ।
वलिउडको ठुलो फिल्म ‘पद्मावत’सँगै अक्षयकुमार स्टारर अर्को चर्चाको फिल्म ‘प्याडम्यान’ पनि सोहि मितिमा रिलिज हुँदैछ । बलिउडको ठुलो क्लास भिडन्त पश्चात नेपाली मल्टिप्लेक्समा नेपाली फिल्म भन्दा वलिउड फिल्म दर्शकको पहिलो रोजाइ बन्नसक्ने कुरामा सचेत हुँदै ‘हेप्पी डेईज’को रिलिज रोकिएको हो । मिलन चाम्सले यो फिल्म निर्देशन गरेका छन् । सञ्जय गुप्ता पनि लिड रोलमा छन। ।
सञ्जय लिला भञ्सालीको ‘पद्मावत’ उर्फ पद्मावतीमा दिपिका पादुकोण, रणविर सिंह र शाहिद कपुर लिड रोलमा छन् ।
