३ सय करोड क्लबमा ‘टाइगर जिन्दा है’, तोड्यो सुल्तानको रेकर्ड
सलमान खान र कट्रिना कैफ स्टारर बलिउड फिल्म ‘टाइगर जिन्दा है’ ले ३ सय करोडको माइलस्टोनपार गरेको छ । सुपरस्टार सलमान अभिनित ३ सय करोड क्लबमा प्रवेश गर्ने यो तेश्रो फिल्म हो । यसअघि उनी अभिनित ‘सुल्तान’ र ‘बजरंगी भाइजान’ ले यो माइलस्टोन पार गरेका थिए ।
फिल्मले शनिबार ५ करोड ६२ लाख बढिको बिजनेस गर्दा ३ सय करोडको बिजनेस पार गरेको हो । रिलिजको १६ औं दिनसम्म फिल्मले ३ सय करोड ८९ लाखको नेट बिजनेस गरेको छ । भारतमा यो फिल्मले ३ सय करोड ८५ लाख ७६ हजार ग्रस बिजनेस गरेको छ ।
अलि अब्बास जफार निर्देशित फिल्मलाई रिलिज पश्चात उच्च वर्ड अफ माउथ मिलेको थियो । राष्ट्रप्रेम कथा उठान गरेको एक्सनप्याक फिल्मलाई समिक्षक तथा दर्शकले उच्च तारिफ गरेका थिए । सलमानले फिल्मको सफलताको श्रेय अभिनेत्री कट्रिनालाई दिइसकेका छन् ।
यसैबीच फिल्मले सलमानकै पछिल्लो फिल्म ‘सुल्तान’ को बिजनेस रेकर्ड तोडेको छ । ‘सुल्तान’को लाइफटाइम कलेक्सन ३ सय करोड ४५ लाख थियो । प्रदर्शनरत फिल्मले उक्त फिल्म भन्दा ४४ लाख बढि बिजनेस गरिसकेको छ ।
