पर्दामा केकी भर्सेज ऋचा !

फ्राइडे रिलिज अन्तर्गत यो हप्ताको लागी दुई नेपाली फिल्म प्रदर्शनमा आएका छन् । अभिनेत्री केकी अधिकारी स्टारर ‘राज्जा रानी’ र ऋचा शर्मा स्टारर फिल्म ‘फिर्के’ । दुबै फिल्मले देशभरका पचास बढि हल आफ्नो पक्षमा रहेको दाबी गरेका छन् ।

‘राज्रा रानी’ले दुई दिन पहिले राजधानीमा सम्पन्न प्रिमियरबाट प्रशंसा पाएको थियो । मधेशको कथा बोल्ने अनि मधेश समुदायमा विधमान विकृतिलाई पर्दाफास गरेको फिल्मलाई राजनीतिज्ञदेखि मिडियाकर्मीसम्मले तारिफ गरेका थिए । यो फिल्मलाई यम थापाले निर्देशन गरेका हुन् । केकीसँगै नाजिर हुसैन र कामेश्वर चौरासिया लिड रोलमा रहेको फिल्ममा रमेश एमके पौडेलको लगानी छ ।

सुलेमान शंकरको निर्माणमा बनेको ‘फिर्के’लाई रवि डंगोलले निर्देशन गरेका छन् उक्त फिल्ममा ऋचासँगै अर्पण थापा, सुलेमान लगायत लिड रोलमा छन् ।