‘कान्छी’ गीत रिलिज, रोमान्टिक मुडमा श्वेता र दयाहाङ (भिडियो)

फागुन ४ लाई अफिसियल प्रदर्शन मिति तय गरेको फिल्म ‘कान्छी’को नयाँ गीत रिलिज भएको छ । यसअघि सार्वजनिक चरी चट्ट परि बोलको गीतले ५० लाख बढिको भ्यूज पार गर्दै गर्दा निर्माण टिमले बिहिबार नयाँ गीत रिलिज गरेको हो । सार्वजनिक गीतमा अभिनेत्री श्वेता खड्का, अभिनेता दयाहाङ राइ मुख्यतः फिचरिङमा छन् ।

अभिनेत्री अनु शाह, कामेश्वर चौरासिया, भुमिका खड्का, आशान्त शर्मा समेतलाई फिचर गरिएको गीतमा स्वर धर्मेन्द्र सेवानको छ भने दयाराम पाण्डेको शब्दमा संगीत अर्जुन पोखरेलले भरेका छन् । रोमान्टिक फ्लेभरको ‘यो जीउ दाउमा’ बोलको गीतमा कोरियोग्राफी बसन्त श्रेष्ठको छ ।

आकाश अधिकारीको निर्देशनमा बनेको फिल्ममा श्वेता नै निर्माताको रुपमा छिन् । पुरुषोत्तम प्रधानले फिल्म खिचेका हुन् । हिमाल केसीको एक्सन रहेको फिल्ममा रविन खड्का र शैलेस खड्काको पनि लगानी छ । मुख्य सहायक निर्देशक रामशरण कोइराला छन् ।