‘कृ’ गीत रिलिज, क्लबमा मर्कियो अनमोलको कम्मर (भिडियो)
माघ २६ लाई प्रदर्शन मिति तय गरेको बर्ष २०७४ को सर्वाधिक प्रतिक्षित फिल्म ‘कृ’को पहिलो गीत रिलिज भएको छ । निर्माण टिमले नयाँ बर्ष २०१८ को इभको अबसरमा फिल्मको गीत रिलिज गरेको हो ।
‘यति यति पानी’ बोलको पार्टी गीतमा स्टार अभिनेता अनमोल केसीले दर्जन बराबर डान्सरहरुसँग कम्मर मर्काएका छन् । गीतमा स्वर अल्मोडा राना उप्रेतीको छ भने शब्द संगीत राजेन्द्र भट्टको छ । फिल्ममा अनमोलसँगै अदिती बुढाथोकी, अनुपबिक्रम शाही, लक्ष्मी गिरी, रुपा राना, कामेश्वर चौरासिया, सरोज खनाल लिड अभिनयमा छन् ।
सुपर काजोल फिल्मस् र सुवास इन्टरटेन्मेन्टको ब्यानरमा बनेको फिल्मलाई सुरेन्द्र पौडेलले निर्देशन गरेका हुन् । फिल्मको केहि दिन पहिले सार्वजनिक ट्रेलर लोकप्रिय बन्दै गर्दा दर्शकमा यो फिल्मको उत्सुकता तथा चासो झनै बढेको छ ।
